HUSLAON na CONGRESSMAN

Tigsik ko an bulan na Agosto

Tingating sabi kan mga tawo

Sa burikaton ini totoo

Alagad nungca sa madiskarteng tawo!

Tigsik ko an buhay sa kinaban

Dakolon na an kadeficilan

Kun bako kang oragon makisabay

Malaog ka sa kabaong nin amay!

Tigsik ko an malaymay na baoo

An hiroon super atrasado

Napikon an kunehong apritado

Pigtirisan an harong na loto-loto!

Tigsik ko an ugaling sa Agta

Pirmi na lang ubos-ubos biyaya

Pagkaaga nakatunganga

Nakatihaya, maghapon tulala!

Tigsik ko an paslo na kabalang

Pighalean garapata si Congressman

Nagngirit huli sa kabasogan

Luwas an ngipon, anas bulawan!

Tigsik ko an huslaon na Congressman

Pighingutohan kan alalay na kabalang

Naghukragong huli  ta nasiraman

Biyong nag-aatot-atot, naglalaway!