top of page

Iba pang mga CANDIDATO SA ALBAY, CAMARINES SUR: Gina Bordado vs Nonoy Magtuto sa D3, Leni vs Legacion sa Naga

Nagpopoon na an social media survey sa posibleng magraralaban sa eleksyon sa 2025 na kinababalihan kan mga candidatong congressman asin gobernador sa Camarines Sur asin Albay magin maglalaban sa kargong alcalde sa Ciudad nin Naga.


Sa Oktubre 2024 iyo na an pigtalaan na pagsangat nin certificate of candidacy sa Comelec, alagad sa Bagong Bicol FB post sa tercer distrito kan Camarines Sur an nginaranan na mga candidato iyo sinda naging CBSUA President Gina Bordado vs Nonoy Magtuto asin an hapot ‘‘Sisay an dapat maging Kongresista kan 3rd District? Sa kargong gobernador kan Camarines Sur iyo sinda Fermin vs LRay Villafuerte, an hapot ‘‘Sisay an dapat maging Gobernador kan Camarines Sur? Sa kargong alcalde sa Ciudad nin Naga iyo sinda Leni Robredo asin Nelson Legacion, an hapot ‘‘Sisay an dapat magin Mayor kan Naga?.’’




Si Represente Gabriel H. Bordado Jr. kan tercer distrito kan Camarines Sur, nagpahimotik na mayong planong magtapsok sa politica an saiyang esposa na si Gina mantang si naging VP Robredo mayo pang kumfirmasyon kun madalagan sa kargong alcalde sa ciudad.


Sa Albay sa Segundo distrito sa kargong congressman sinda Christopher Co vs Caloy Loria, an hapot Sisay an dapat magin Congressman kan D2, Albay? Mantang sa Kargong gobernador sa Albay iyo sinda Joey Salceda vs Noel Rosal, an hapot ‘‘Sisay an dapat magin Governor kan Albay.


Perang bulan nalang harani na an filing nin COC sa Comelec alagad an ibang mga asperante nagpapamate na kan saindang mga ambisyon sa maabot na eleksyon lokal asin nasyonal sa Mayo 2025.


An Bagong Bicol FB page pigcrear kan Oktubre 23, 2028 namay 3.3k followers.


bottom of page