Ibang mga Bicolano mapugol nin pwesto sa Marcos admin

Nagkapera nang mga opisyal kan Partido Federal ng Filipinas (PFP) sa Camarines Sur chapter an posibleng matawan nin posisyon sa arin man na ahencia de gobierno sa Bicol maging sa nasyonal.

Si dating Alcalde Elmo Bombase kan Tigaon, Camarines Sur, Executive Vice kan PFP kan Camarines Sur nagpahayag sa Bicol Mail na nagkapera na sa saindang mga miembro kan PFP digdi sa provincia pinasumiter kan saindang ‘‘resume’’ sa presenteng bagong administrasyon.

An EVP kan PFP CamSur kabale sa hinagadan kan saiyang resume alagad saiyang sinabi na magdedepende sa bagong administrasyon kun tatawan siya nin posisyon.

Si Bombase sarong civil engineering, dating Planning Officer kan binungkag na Bicol River Basin Development Program, naging OIC Provincial Engineer kan Camarines Sur, nagserbe sa laog nin tolong termino bilang alcalde kan Tigaon, Camarines asin pamayo kan Mayor League of the Philippines, Camarines Sur chapter.

An pangaran ni Bombase kabale sa mga kalificado na pigpipilian na maging Presidential Assistant for Bicol Affairs alagad igwa pang mga pangaran na pwedeng pagpilian na kinababalehan ninda dating PNR General Manager Ower Andal, Assistant Usec OPABA Rex Villegas kan administrasyon ni dating Presidente Duterte, asin Sherwin Bogarin na sarong Ilocano alagad negosyante asin igwang sadiring resort sa Del Gallego, Camarines Sur.

Igwa pang sarong broadcaster na naging FM station manager na posibleng madestino sa Philippine Information Agency (PIA) alagad dai pa nginaranan.

An ibang miembros kan PFP CamSur Chapter naghahalat sana kan desisyon kan administrasyon ni Marcos mantang dakul an mababakanteng posisyon sa nagkaperang ahencia de gobierno sa rehiyon Bicol.

Dawa na ngani enterong sinawsawan sa resulta kan presidential election kan Mayo 9, 2022 si Presidente Ferdinand Marcos Jr. alagad piglalaoman kan PFP na dai man etsafuera an mga Bicolano.

Komo Bicolano ‘‘landslide’’ an kapangganahan ni VP Leni Robredo contra ki Presidente Marcos.

Sa ngunian sinda Cesar Chavez na taga San Jose, Camarines Sur nombrado na bilang Undersecretary kan Department of Transportation asin si dating ACT Party list Representative Nina Taduran kan Ciudad nin Iriga pigtukahan bilang Undersecretary kan Department of Social Welfare and Development (DSWD).

Dakul pang mga bakanteng posisyon sa gobierno alagad nagtutubod an PFP na igwa pang mga Bicolano an tutukahan sa arin man na puesto sa gobierno. (DPA)

Representante LRay Villafuerte kan segundo distrito kan Camarines Sur sa saiyang ‘’oath of office’’ sa atubangan ni Jefe Magistrado Alexander Gesmundo kan Corte Suprema. (Retrato hale sa FB page ni Rep. LRay)

Arnulf Bryan “Arnie” B. Fuentebella took his oath of office as third termer Congressman of the 4th District of Camarines Sur (Partido Area) together with the newly elected officials of the NPC-ANDUYOG coalition on Wednesday, June 22, at his Tigaon hometown. He was sworn into office by Punong Brgy. Monina Velasco of Brgy. Himanag, Lagonoy while Judge Angie Arroyo, Executive Judge-RTC, administered the oath for the rest of the officials. The resolute desire for decency in governance spawned the organization of the NPC-ANDUYOG, an alliance of local officials working together to forge solidarity and influence a better brand of politics in the province.