Ihapot Ki Attorney

Atty. Paolo Tolentino

Abusado sa posisyon na barangay officials

Atty., ano po an pwedeng gibuhon laban sa mga barangay officials o government personnel na nag-aabuso kan saindang posisyon, partikular sa kakulangan sa accountability asin transparency—halimbawa, dae pag-report sa mga constituents kan saindang performance o liquidation reports, o limitado lang sa 10 an inaanyayahan sa general assembly?

Pano man po kung may sala o malisyosong pag-akusa laban sa sarong tao, o paglatag nin dae tamang impormasyon sa law enforcement agencies, maski mayo man probable cause o kriminal na kaso na naestablisar laban sa inakusahang persona?

---

Pwde mong sabihan o suratan ang barangay o government personnel na sunudon ang nakalaag sa Local Government Code o circulars na tig-isyu kang DILG tungkol sa transparency, partikular sa pag-report o pag-post ning summary tungkol sa public fund na natanggap saka pano ini ginamit sa taon. Kung dae mag sunod, pwde sindang ireklamo o sampahan ning kasong administratibo na simple o grave misconduct.

Ito man tungkol sa sala o malisyosong pag-akusa, o pagtao nin dae tamang impormasyon sa reklamo o imbestigasyon kang awtoridad ay pwede maging basehan na sampahan kasong kriminal na perjury o falsification. Pwede man na kasong civil ang isampa, para sa danyos na sinapo kang nagrereklamo.

Kung may mga kahaputan, mag email sa: ihapotkiattorney@gmail.com