Ihapot Ki Attorney

Atty. Paolo Tolentino

Proseso kan pag probate ning will

Atty., may pinamana samong magturugang na daga. Ini nakalaag sa will kan samong ina. Pwede na ba ini darahon sa Registry of Deeds para paghati-hatian mi na an daga?

- - - - - - -

An simple pero importanteng simbag: dai pa. Sa batas kan Pilipinas, an “will” — maski pirmado, notarized, asin klaro an contents — dai pa ini automatic na may epekto sa pag-transfer kan properties. Para magamit sa paghahati kan daga o paglipat kan titulo, kaipohan muna ini ma-approve kan korte sa proseso na pig-aapod na probate proceedings. Ibig sabihon, dai sapat na idara lang an dokumento sa Registry of Deeds para mabaranga na an daga sa magturugang.

Kung idudulok sana sa Registry of Deeds an will na mayo pang probate order, posibileng dai ini tanggapon. Dahil an Registry of Deeds dai man nagdedesisyon kung valid an will — trabaho iyan kan korte.

Kung may mga kahaputan, mag email sa ihapotkiattorney@gmail.com.