Ihapot Ki Attorney

Atty. Paolo Tolentino

Patagong recording kontra sa taga-LGU

Maray na aldaw po. Ako po si Dennis, isang small business owner igdi samuya. Tuwing may fiesta sa barangay, may mga taga-LGU na lumalapit samin, humihingi kuno nin “donasyon” para sa event. Pero sa totoo lang, parang dai man talaga kusang-loob. Sinasabihan pa kami na kung dai magbigay, baka raw mahirapan mag-renew nin business permit. Gusto ko lang po klaruhon, Atty., pwede po ba ako mag-record nin conversation para magamit bilang ebidensya na parang extortion na ang ginigibo ninda? Maraming salamat po.

———

Maray na aldaw. Base sa R.A. No. 4200 o ang Anti-Wire Tapping Act, bawal ang sekreto o patagong pag record ning pribadong urulay, dawa ang nag-record ay kaiba o saro sa mga nag-uulay o nag-uurulay. Pwdeng makasuhan ang taong nagibo kaiyan sa iraraom kan nasabing batas. Base pa sa batas na ini, ano man na recording o impormasyon na nakua sa paagi kan patagong pag-record ay dae pwdeng tanggapon bilang ebidensya sa kaso o imbestigasyon.

Igwang mga patagong recording ang dae sakop kan batas na ini. Kaiba igdi ang pagrecord kang pulis kung may court order sa mga nabibilang na krimen arog kan rebellion o terrorism. Sa madaling sabi, dae kaiba sa exceptions na ini ang tighahapot mong pagrecord na ika bilang pribadong tao, dawa pa sabihon na sala o ilegal ang ginigibo kang taga LGU.

Ang sarong exception na pwde saimo ay kung ang pag-ulay nindo ay bako man pribado saka mayo intensyon ang mga nag-uurulay na confidential ini. Sa sitwasyon na ini, dae sakop kan batas ang pag-record mo. Halimbawa, sinabi niya ang pag-hagad donasyon sa lugar na may mga ibang tao na nakakadangog saindo, pati ang sinabi niya na baka masakitan kamo mag-renew. Kung bakong pribadong urulay, dae sakop kang R.A. No. 4200, gusto sabihon pwdeng mag-record saka pwdeng gamitong ebidensya ang recording, dawa patago.

Kung may mga kahaputan, mag email sa: ihapotkiattorney@gmail.com