Ihapot Ki Attorney

Atty. Paolo Tolentino

Pag may waiver sa field trip, mayo na

ba pananagutan ang eskwelahan?

Ang schools, administrators at teachers ay igwang special parental authority sa mga estudyante na menor de edad habang nasa saindang superbisyon saka kustodiya. Sinda ay tinuturing man na loco parentis o garo mga magurang kang mga aki o estudyante, menor de edad man o nasa tabang edad na. Responsable sinda na protektahan ang mga estudyante habang nasa eskwelahan o dawa nasa luwas basta konektado sa pag-aadal o tinugutan kang eskwelahan ang pagluwas kan estudyante, arog kang field trip.

Base igdi, pwdeng magkaigwang pananagutan ang schools, administrators at teachers kung may mangyari sa estudyante sa laog o luwas man kan eskwelahan kung mapapatunayan na nagkaigwa sindang kapabayaan o negligence sa trabaho.

Dawa may waiver na pinapirmahan sa estudyante na sinasabing mayong pananagutan ang schools, administrators at teachers kung may mangyari man sa estudyante, pwde man giraray na gibohong liable sinda kung talagang may nangyari sa estudyante saka nagkaigwang kapabayaan sinda. Ang waiver ning liability base sa future o maabot pa lang na kapabayaan, lalo na kung imbwelto ang public interest arog kan edukasyon, ay maituturing na dae tama o epektibo sa batas. Ang tamang depensa ninda sa pananagutan ay bako ang waiver kundi ginibo ninda ang trabaho ninda saka mayo sindang kapabayaan sa nangyari.

Kung may mga kahaputan, mag email sa: ihapotkiattorney@gmail.com