Ihapot Ki Attorney

Atty. Paolo Tolentino

Pwede bang magfile ng cyber libel ang OFW laban sa nasa Pilipinas?

Atty., pwede po ba magfile ng cyber libel against someone na nasa Pinas? OFW po ako digdi sa Thailand.

---

Duwang bagay ang posibleng gusto sabihon kang hapot mo. Enot, may karapatan ka bang mag sampa kasong cyber libel laban sa sarong tao na nasa Pilipinas na niraotan ka sa facebook o social media habang ika nasa Thailand. Panduwa, pwde ka bang mag sampa kang kaso na ini, o ano ang proseso sa pag sampa samantalang nasa Thailand ka.

Pwde kang magkaso basta niraotan ka kang nasa Pilipinas o nagpost siya ning sarong bagay na nakakaraot sa pangaran saka reputasyon mo dawa nasa Thailand ka. Ang cyber libel ay sarong “public crime” na gusto sabihon pagbalgar ini kang karapatan kang buong estado o kumunidad na maging matuninong kaya dawa sisay pwde mag sampa kang kaso. Ika saka ang estado biktima sa ginibong krimen. Kaya dawa nasa Thailand ka, posibleng naraot ang reputasyon mo sa Pilipinas saka dahil sa ginibo niya, posibleng niraot niya man ang katuninongan kan estado.

Tungkol man sa proseso pagpoon o pagsampa kang kaso, pwde mo ining ifile pagnagpuli ka, posible man na tugutan o tawan mo otorisasyon o SPA ang sarong tao igdi na irepresentar ka sa kaso. Dapat isampa ang kaso sa lugar kung saen residente ka sa Pilipinas.

Kung may mga kahaputan, mag email sa: ihapotkiattorney@gmail.com