INASAL NA PANDAWAN

Tigsik ko an buhay sa kinaban

Kun ika madiskarte mahayahay

Aroaldaw makidula sa piyestahan

Solve na an tsibug, igua pang mamam!

Tigsik ko ining si Ate Sharon

Sa pakikipiyesta mauragononon

An kairiba sarong battalion

Dakol pa an bitbit pag-uli sa harong!

Tigsik ko si Kamlon na paseguro

Sa piyestahan iguang calendario

An pakikidula ginibong bisyo

Sadiring kusina dae na nag-aaso!

Tigsik  ko po si Padre Damaso

Sa piyestahan pirming cabisero

Pag-uli tabi duman sa kumbento

Awad-awad an bitbit kan acolito!

Tigsik ko man daw si Manoy Mulo

Sa piyestahan listo an paghablo

Naghininghining na adobo kinamulo

Nadakop kan Barangay Tanod, buklo!

Tigsik ko an mamam sa piyestahan

Oragon na pulutan inasal na pandawan

Yaon ka pa.ngani sa harampangan

Mapugahak ka na sa sarawal!