INDAY KAN BUHAY MO!

Tigsik ko si Inday Lustay

An buhay sobrang hayahay

An kuwartang bako niya man

Inubos, nagpisiramsiram!

Tigsik ko si Inday Urag-uragon

Wow, madalion mapikon

Mayo sa hulog an uugalion

Hayakpit an angog, bungol!

Tigsik ko si Inday Presumido

Paghuna saiya an mundo

An gusto siya pirmi an centro

Feeling privileged, feeling perfecto!

Tigsik ko si Inday Apritada

An hiro-hiro sa desperada

Gustong isuksok bilog na pamilya

Sa trono,  aw, siram sana!

Tigsik ko si Inday Heridera

Kan poder kan pamilya

Sa mga alipores, siya an bida

Mahal na reyna, alleluia!

Tigsik ko si Inday Pusit

An gibong sistema malupet

Kun dae kaya kan powers na bitbit

Maitom na digta pinapakupsit!