Inflation rate sa Bicol nagbaba-PSA

Dawa nagparalangkaw an presyo kan bagas sa mercado magin produktong delata alagad nagbaba an inflation rate sa rehiyon Bicol na naghuros sa 3.1% kan Enero 2024 kumpara sa 4.9% kan Deciembre 2023 asin 8.3% kan Enero 2023.

Ini an pinaluwas na report kan Philippine Statistic Authority (PSA) Bicol sa pamamayo ni Director Engr. Cynthia Perdiz, nagpahayag na nagluya an pagtaas sa presyo kan mga mayor na produkto sa mga mercado sa rehiyon.

Base pa sa datus, naghuros man an inflation sa mga provincia na kinababalihan kan Albay na nag-aabot sa 3.3%, sa Camarines Norte – 3%, sa Camarines Sur – 3.6%, sa Catanduanes – 4.2%, Masbate asin Sorsogon parejong nasa 0.6%.

Sarong prueba na nag-aangat na an economia sa rehiyon Bicol mantang nagtama ini sa inflation rate kan ahencia asin National Economic Development Authority (NEDA).

An sektor nin negosyo nagpahayag na an pagbaba kan inflation rate huli ta mayong nangyaring dakulang calamidad sa rehiyon siring kan bagyo asin pandemya.