Inflation rate sa Bicol Region naghuros -PSA

An Philippine Statistic Authority (PSA) sa Bicol nagsabi sa prensa na naghuros an inflation rate sa rehiyon sa 7.4% kan nakaaging Hulyo 2026, sarehiyon kun ikukumpar sa 7.6% na nailista kan nakaaging Hunyo, alagad mas halangkaw pa giraray sa 1.7% na inflation rate kan Hulyo 2025.

Alagad sa entrevista sa sektor nin trabahadores nagsabi na dai sinda uyon huli ta mas nagparalangkaw an presyo kan mga mayor na produkto sa mercado sa tahaw kan halangkaw na presyo sa produkto nin petrolyo.

Segun sainda an pagparalangkaw kan presyo sa produkto mas apektado an tios na consumedores ta sinda an nakakasabi kan pagparalangkaw kan presyo.

Alagad sinabi pa ni Regional Director Engr. Cynthia Perdiz kan Rehiyon Bicol kabale sa mga nagparalangkaw sa paglangkaw kan inflation iyo an bagas, mga kakanon sa restaurants, pagparalangkaw kan tarifa sa kuryente, petrolyo asin iba pa.

Sa ngunian dawa iguang P20 Bigas alagad nababakalan sana sa National Food Authority sa limitado pang sektor an awtorisado sa pagbakal kan ‘‘Bentang Bigas’’.

Kun mabakal nin bagas sa mercado halangkaw an presyo na hagad kan trabahadores darahon sa mercado an ‘‘Benteng Bigas’’

Sa mga protest rally sa State of the Nation Address ni Presidente Ferdinand Marcos Jr. kan Hulyo 27, 2026 an progresibong grupo nagdenuncia kan pagparalangkaw sa mga mayor na producto sa mercado alagad hababa an sweldo kan mga trabahadores.