top of page

Inside job saro sa mga causa kan ‘’hacking’’

An Anti-Cybercrime Division kan Philippine National Police na nakakasakop sa Camarines Sur asin Camarines Norte nagtutubod na posibleng inside job, may kasabuwat sa laog o puedeng maluya an firewall kan sarong ahencia kun nabibiktima kan ‘‘hacking’’ an saindang ‘‘system’’.


Ini an naheheling na problema sa sinambit na insidente ni P/Capt. Angelo Babagay jefe kan Anti-Cybercrime Division kan PNP sa Camarines Sur asin Camarines Norte bilang saiyang reaksyon sa nangyaring pagkawara kan ribo-ribong private information kan mga miembros kan Philippine Health Insurance (PhilHealth) computer.


Huli kaini an serbisyo kan PhilHealth maging iba pang transaksyon nag-offline nin nagkaperang aldaw an saindang website alagad naibuelta kan Septiembre 29, 2023.


Igwa nang kaparejong insidente sa sarong bangko sa provincia nin Albay, sabi pa. Afuera kaini, nagkapera nang ahencia kan gobierno an biktima naman kan ‘‘hacking’’.


Base sa seksyon 25 kan Data Privacy Act of 2012 (DPA) an siisay man maprubaran sa dai awtorisadong pagproceso kan mga personal information puedeng napinaran nin saro hasta sa tolong taon saka papamultahon nin P500,000 hasta P2 milyones.

Yorumlar


bottom of page