Intervention Program Para sa mga Menor de Edad

Atty., pirmi kong naririnig an salitang intervention program para sa mga menor de edad na nakagibo nin krimen. Ano po ba talaga ini?

-----

An intervention program iyo an serye nin mga hakbang na idinisenyo para matabangan an menor de edad na nakagibo nin sala o krimen na maintindihan an epekto kan saiyang ginibo asin malikayan an pag-ulit kaini.

Sa irarom kan Juvenile Justice and Welfare Act, an intervention program dai sana basta pagpapahali o pagpapalaya sa aki. Sa katunayan, puwede kaining maglakip nin counseling, psychological assessment, values formation, pagbalik sa eskwela, skills training, family intervention, asin iba pang aktibidades na makakatabang sa saiyang rehabilitasyon.

Depende sa edad kan aki, sa klase kan nagibong sala, asin sa rekomendasyon kan social worker, an intervention program puwedeng isagawa sa komunidad o sa mga pasilidad na nakatalaga para sa mga menor de edad.

Dangan, importante man na masabutan na an intervention program dai nangangahulugan na wara nang pananagutan an menor de edad. Bukod sa rehabilitasyon, may mga proseso asin mga kondisyon man na dapat sundon tanganing masiguro na matutunan niya an leksyon sa saiyang mga aksyon asin makabalik bilang responsable na miyembro kan komunidad.

An simbag na ini para sana sa pankagabsan na impormasyon asin dai dapat ituring na legal advice para sa partikular na kaso.

Kung may mga kahaputan, mag email sa ihapotkiattorney@gmail.com