Ipapabakal na P20 na NFA rice limitado sa piling sektor

Pigcierto na kan Department of Agriculture na kaayon na an mga empleados na makakabakal kan baratong presyo kan bagas na Php20 per-kilogram rice subsidy program si mga nagrerecibe nin sueldo base sa minimum wage law kan Department of Labor and Employment (DOLE) kan rehiyon Bicol.

Ini kasunod kan pinaluwas na direktiba kan DA central office mantang pig-iimplementar an programa sa ibang rehiyon.

Alagad digdi sa rehiyon Bicol piglalaoman na makakabale epektibo pa sa bulan nin Hulyo 2025.

Limitado sana sa nagkaperang sektor an tinugotan kan gobierno na makabakal kan baratong presyo NFA rice sa lindong kan P20-per-kilogram rice subsidy program.

Sinabi ni OIC Branch Manager Marbin Malabanan kan National Food Authority (NFA) CamSur kun makabale an sarong rehiyon sa programa an provincia sana kan Sorsogon asin Catanduanes an puede magpabakal nin baratong presyo kan bagas.

Dai man malinaw ta dai kabale an gabos na anom na provincia kan Kabikolan na dakul man an nagtitios.

An NFA iyo an magsusuplay sa mercado sa ipapabakal na baratong presyo nin bagas.