ISLAW PALITAW

Tigsik ko si Pedro Penduko

Naibahan kan pitong Diablo

Pigsantigwar kan Mahal na Obispo

Ay! Nahamil an sulot na pustiso!

Tigsik ko si Manay Kikay

Dae lamang po nakalikay

Kinugos kan pilyong ukay

Wow! An mata ta puminungay!

Tigsik ko si Manoy Kikoy

Maghapon nagparataghoy

Sus, an angog luminumoy

An duwang tuhod nagkuruykoy!

Tigsik ko si Tisya Pantasya

Nangaturogan magin artista

Napeke kan bugaw sa Ermita

Dae pa ngani sikat, nalaos na!

Tigsik ko man si Totoy Bibo

Hipid an atado, pirming listo

Saro sanang text sa celfon mo

Susurupon tulos an pozo negro!

Tigsik ko si Islaw Palitaw

Minatundag, minalataw

Dawa hardlife an pagbuhay

Sigeng pa-cute, nagpipirawpitaw!