‘‘Iwas Paputok’’ pagirumdom kan DOH sa pagsabat kan bagong taon

Kulang na nin sarong semana antes kan pagsabat sa Bagong Taon 2025, an Department of Health (DOH) Bicol liwat nagpagirumdum sa publico kan saindang kampanya ‘‘Iwas Paputok” nganing maseguro na makaibitar sa disgracia huli sa paputok.

An DOH Bicol sa pamamayo ni regional director Dr. Rodolfo Antonio Albornoz nagsabi an saindang kampanya nagsikad antes pa sa pagsabat kan Pasko kan Deciembre 25, 2024 alagad kaipuhan pagirumduman an publico an Iwas Paputok dakulang bagay nganing paglaog kan Bagong Taon kumpleto an muro asin makalikay sa ano man na aksidente mantang kasabay digdi an saindang advocacia sa ‘‘Biyahealthy’’

An mga hospital nagdeclara nin code white alert komo pag-andam sa pagresponde sa emergenciang pasyente na nangyayari cada pagsabat kan Bagong Taon na an causa huli sa paputok asin iba pang aksidente.

Sa PNP – Civil Security Group nagpaluwas kan mga pinagbabawal na firecrackers asin pyrotechnic devices mantang nagrarani na an bagong taon.

Kabale sa mga prohibido iyo an watusi, piccolo, poppop, five star, pla-pla, lolo thunder, giant bawang, giant whistle bomb, atomic bomb, asin atomic triangle.

Kaayon pa na pigcoconsiderar na mga high-power iyo an judas belt, goodbye delima, hello Columbia, goodbye napoles, supper yolanda, mother rockets, kwiton, supper lolo, asin goodbye bading, goodbye Philippines, bin laden, coke in can asin pillbox.

Nag-aviso an PNP CSG na magbakal nin mga paputok na iguang licencia hale sa PNP asin LGUs.

An mga municipal police station asin an task force paputok kan LGUs iyo an madakop kan mga pinapabakal na ilegal na paputok.