Joel Borja D’ Tinambac Chef

Dai nanggad malilingawan kan mga “Kapotik”, mga political analyst sa Kantong Putikon, an experiencia sa inaapod na “Post New Year” celebration. Ini an pag tiripon sa atubangan nin mga imported na arak hale pa sa Las Vegas asin San Diego alagad napapalibotan nin mga pulutan na mga inasal asin pig steam na mga freskong sira na hale pa sa Tinambac. Iyo ini an sarong okasyon na pinag introducer sa Kantong Putikon ni Kapotik, Mr. Joel Borja, matuang tugang ni Ervin Borja, na ngonian nagdadalagan komo Vice Mayor kan banwaan nin Tinambac. An okasyon ginibo kan Enero 10 sa kolor berde na harong ni Joel Buena sa 6th street, Villa Sorabella Subdivision, digdi sa Ciudad nin Naga. An mga “kapotik” na nag attender sa okasyon pinapanginotan ni former movie actor Gabby Casimiro, yaon man si Ret. Judge Joe Dy, Dax Plopenio, Efren Ramos, Bert Loquinario, Bert de los Martirez, Jimmy Obiedo, asin Bong Franco. Siya palan an sinasabing taga Tinambac, na bistado sa masiram na luto na puedeng ipagmalaki sa mga 5-star hotel asin duman sa Amerika. An post new year celebration, sarong videoke challenge na pano nin karantahan nin Christmas song asin mga ballads. Pinag introducer samuya ni Joel Borja, an pinaka paboritong inumon sa mga Casino sa Las Vegas, ini sarong imported na Whisky na an pig hahalo kan nga amerikano iyo an softdrinks na Sprite o 7-up. An mga parasugal sa Las Vegas, tatao kan timplada,kung gusto mo daang magkamang kamang sa kaburatan asin dai ka nanggad takot kung ika ma iwits, puwes, kadikit sanang tigis kan Sprite an saimong ihalo, alagad kung gusto mo sanang tipsy an pag mate, tanganing garo kan sana romantiko alagad tanos pa an paglakaw papule , dagdagan an sprite sa nasabing arak na uso sa Las Vegas. An pinaka tampok asin iyo an dai nanggad malilingawan kan mga “kapotik” iyo an mga pig latag na pulutan asin kakanon sa lamesa. Inot iyo an daing limit na pagluwag sa mangkok nin sarong dakulang pedaso nin malomoy na karne nin Vaca na pig tahuban nin special na klase nin pancit asin iguang sabaw na lataw an namit nin sili asin pamienta. Sa paghigop pa sana kan sabaw haros maghibe kan sa grabeng na’gom. Ipig sunod na pig latag an prinitos sa asukar na masapogon na kamoteng inasuwang hale sa tinambac. Kan medyo, nahingaluan na an samuyang mga bituka, pasaro saro nang pig kaag sa lamesa an malasugui steak na tunay na fresco asin masiramon sapaon sa laog kan nguso. Sunod na ikinaag an special na Igado na pano nin freskong katoy nin orig, timplano nin giniris na mga sili na interong nagraragamo sa siram. Yaon man an fried chicken na maragsik an kublet alagad malomoy an laman . Pig pano an lamesa nin masiramon na sotanghon, pancit guisado, mga freskong vegetables na yaon sa masiramon na chop suey, asin , masiramon na fish fillet. Special mention, an maskara nin olrig n, tealinga nin orig, na iyo an halo sa porong dugon na igua non gota nin niyo para sa splecial Dinuguan, tunay na masiram, mahamot asin medyo may haring. An dai talaga puedeng malingawan iyo na gabos na menu anas manamit asin masiram, iyo ini an sekreto kan tawo na minsan pang inapod na D’ Tinambac Chef, mayong iba kundi si Joel Borja, na naging Famoso sa neighborhood ninda sa San Diego California, na pig dadayo nin mga amerikano asin saiyang mga luto ninhuli sa pambihirang siram. Naguno ni Joel Borja an tibay sa pagluto sa saiyang mga ninuno na familyang Borja, asin Tuy ta an tinambac, sarong lugar na mayaman sa pag sira, asin mga hayopan. Sa sunod nap ag tiripon, ilalatag ni Joel manlaen laen na luto nin karne nin Baboy Damo, mga luto nin Lapu-lapu asin malinig na papaitan.