Jovenes sa CamSur dakula an partisipasyon sa Ako Bicol Cup

Pili, Camarines Sur --- Dakula an partisipasyon kan mga jovenes sa Ako Bicol Cup Camarines Sur mantang 36 na basketball teams hali sa mga banwaan asin duwang ciudades kan Naga asin Iriga nag-ayon sa event sa pagbubukas kan karawat na ginigbo sa Fuerte Camarines Sur Sports Complex kan Sabado, Marso 25, 2023.

Pinangenotan ninda Ako Bicol Congressman Zaldy Co, Congressman Jil Bongalon, Ako Bicol Executive Director Atty. Alfredo Garbin Jr. na inatendiran nin mga jefe ejecutivo kan LGUs an seremonya.

Pigponan an event sa paagi kan performance kan Mariners Marching Band and Majorette asin opisyales lokal. Bako lang karawat alagad igwa pang libreng sapatos asin jersey sa paagi ni Cong Zaldy asin kan Ako Bicol.

Pagbubukas kan Ako Bicol Cup Camarines Sur pinangenotan ninda Congresista Zaldy Co, Congresista Jil Bongalon asin Ako Bicol Executive Director Atty. Alfredo Garbin Jr.

Nagpahayag nin pasasalamat si Congresista Co asin pag-iriba sa Ako Bicol nin huli kan naging matrayumpo an piglansar na ika-duwang season kan Ako Bicol Cup digdi sa CamSur. ‘‘Ito ay hindi lamang isang simpleng basketball tournament, kundi isa ring patunay sa aming hangarin sa mga kabataan sa aming nasasakupan’’.

Dinagdag pa ni Co na saindang pinasasalamatan an mga volunteers asin opisyales lokal sa pinaheling na suporta asin dedikasyon sa pagtulod kan proyecto para sa mga jovenes.

Sa sinambit na seremonya an pigmimidbid na ‘Pinoy Sakuri’ na si Marc Pingris an nagpoon kan karawat sa paagi nin ceremonial torch run sagcod na nagwalat kan saiyang inspiration message sa mga parakawat.

Nagkaigwa man nin ‘sing and dance performance’ an aktres na si Chie Filomeno.

An basketball tournament kan Ako Bicol enot nang ginibo sa Albay kan Noviembre asin sa ngunian yaon na sa Camarines Sur na suportado ni Goberndor Luigi Villafuerte.

An event abot sa apat na bulan sagcod na sa aldaw kan championship game. (DPAureus)