JUAN BATMAN

May bisto akong sikat sa banwaan

An pangaran niya po: Juan Batman

Gikan pa duman sa may sulnupan

Namundag sa Barangay Cumadaycaday!

Palibhasa an edad nasa kahubenan

Garong trumpo dae mo mapugolan

An lusbot garong pigsisilihan

Aldaw, banggi, sige an baraybasay!

Oragon an tindog, dakol an napapa-

WOW!

Kababaehan, beki, magin mga bi

May dimple, may tattoo saka hikaw

Igua pang pigtatagong kabatiran!

Aw ta nalula si Juan Batman

Huli ta siya pig-aaragawan

Pigsakayan an  saiyang kapangyarihan

Nakanood nang makiespadahan!

Juan Batman, Juan Batman, ano na yan?

Ramug-ramog kang bisyo sa buhay

Burobanggi yaon sa galaan

Minatihaya, minaibabaw sa laban!

Uminagi an kadakol na bulan

Lupaypay na ining si Juan Batman

Napusi na an limogmogan

Nawara pa an kapangyarihan!