Kakulangan classrooms nahipnoan na kan DepEd

Dawa balik na si face-to-face classes alagad si kakulangan nin mga classroom dai nahali envez nagibo ngona nin mga temporaryong solusyon.

An naging lakdang kan DepEd Bicol, sinabi ni regional director Gilbert Sadsad iyo an pakiulay sa ibang mga opisyales de barangay na pagamiton sinda kan Barangay Hall na dai man sinayumahan, covered court, pagbanga sa aga asin hapon na klase asin paggamit kan temporary learning.

Alagad an ibang mga lokal na gobierno siring kan ciudades asin ibang LGUs mantang igwa sindang fondo sa school board nagtabang na sa paghirahay kan raraot nang classrooms.

Tinugotan na kan DepEd central office an sagcod sa maabot 60 estudiantes cada classroom

Si mga 4th asin 5th class municipalities an iba sa sinda mayong kakayahan huli ta sadit sana an saindang annual budget.

Haros gabos na anom na provincia sa Bicol parejo an problema mantang kulang an fondo kan opisina rehiyonal para sa rehabilitasyon kan mga school building asin classrooms.

An mga raraot na classrooms walat pa kan nakaaging duwang bagyo sa Bicol kan 2020 na dai tolos napahiraray mantang prioridad kan gobierno an problema sa coronavirus disease (Covid-19).

Igwa pang ibang escuelahan na dai pa na 100 percent an in person-classes huli sa problema sa classrooms.

Mientras tanto, nagpatanid pa an DepEd sa mga school principals na dapat dai magarbo an mga Christmas party asin kinakaipuhan magpasunod ngona nin pagtipid nganing bakong magabat sa bulsa kan magurang. (dpa)