top of page

Kampo kan NPA, sinakyada kan PNP, Philippine Army

Caramoan, Camarines Sur --- Mantang nagdadakul na an mga nagsusukong New People’s Army (NPA), nakapontos naman an tropa kan gobierno kan saindang sakyadahon kan Mayo 22, 2023 an pigkukutahan kan mga rebelde na tinatagoan nin bomba, subersibong dokumentos, mga gadget asin iba sa Sitio Ugawin, Barangay Canautan sa banwaan na ini.


Mayong inabutan na mga rebelde alagad nabawi sa kampo an sarong improvised explosive device (IED), tolong hard disc drives, duwang pidasong subersibong dokumentos kabale an mga intelligence report, anom na cell phones, sarong tablet. Wifi, mga gadget charges asin iba pang materyales asin personal belongings kan mga rebelde.


An pinagsarong fuersa kan Philippine National Police, Philippine Army iyo an responsible nganing laogon an kampo kan NPA alagad huli sa suporta kan mga residentes na iyo an nagsombong kan lugar. Kumpuesto an grupo kan Provincial Mobile Force kan PPO Camarines Sur asin kaibanan an 83IB, 9ID kan Philippine Army.


Nagtutubod an Bicol PNP sa paagi kan saindang Spokesperson Lt. Col. Malou Calubaquib huli sa pagtitiwala kan comunidad sa saindang tropa dakulang bagay nganing makubkub an lugar.


Saro naman na bukol sa NPA asin acomplisimiento sa lado kan PNP asin PA laban sa problema sa insurhencia.


An tropa kan gobierno preparado na magresponde sa ano man na osip kan mga sibilyan, sabi pa kan opisyal kan PNP.

ความคิดเห็น


bottom of page