KAN SENADOR PA SI MARCOS: PBBM dati nang pabor sa 5 taon na termino kan BSK

Si Presidente Ferdinand Marcos Jr. yaon pa sa senado an propuestong bill saiya na ining suportado huli ta kan siya miembro pa kan senado saiyang pigtutulod an bill na gibohon sa limang taon na pagpugol sa pwesto kan Barangay asin Sangguniang Kabataan alagad kaipuhan mag-re election sana sa ika-duwang termino nganing maging sampolong taon sinda sa pwesto.

Ini an pigbuyagyag sa Bicol Mail ni dating Liga ng Barangay President asin Ex-Officio member kan Sangguniang, Consejal Vidal Castillo kan Barangay Calauag, Ciudad nin Naga.

Sinabi ni Castillo na dati na siyang nagtutubod na pepirmahan ni Marcos an bill sa pag-uktaba kan Barangay asin Sangguniang Kabataan Elections (BSKE).

Mayo nang magiginibo si mga nag-aambisyon na magcandidato sa BSKE mientras na iimplementar kan Commission on Election an ley.

Kan Septiembre 28, 2026 iyo si premirong aldaw kan filing nin certificate of candidacy (COC) sa Comelec alagad kan biglang kinumfirmar kan Malacañang na penirmahan na ni PBBM an Republic Act. No. 12326 na nagtatalaan sa limang taon na termino kan opisyales de Barangay asin Sangguniang Kabataan. Huli kaini nabigla an Comelec sa desisyon ni Marcos na permahan an ley maging si mga macandidato o nagsangat na COC para sa BSKE. An eleksyon pigtalaan sa Noviembre 2028.

Dinagdag pa ni Castillo kan activo si Marcos sa senado kan saiyang pigtutulod an propuestong ley alagad mayong mga pag-iriba niya na nagsusuporta. Ngunian nangyari man giraray an saiyang pangiturogan.

Alagad an pag-ukta kan BSKE posibleng darahon sa Corte Suprema kan mga nagpapabor na dapat idagos an BSKE.

Tolong aldaw na Pre-COC orientation seminar kan Comelec sa mga macandidato sa Barangay asin SK hale sa 75 barangay kan Libmanan nasayang matapos i-uktaba an nakatalaan na BSKE sa Noviembre 2028. (Comelec-Libmanan)