Kaomahan na iguang patubig iyo sana an makakaoma, sabi

Kadakli sa mga paraoma dawa iguang super El Niño alagad pwedeng magpadagos kan saindang pag-oma kan saindang kaomahan huli ta iguang sadiring patubig hale sa National Irrigation Administration (NIA).

An Department of Agriculture sa Bicol ini an saindang pagtubod sa tahaw kan dakul na nganing garatak na kaomahan huli kan super El Niño.

An rehiyon Bicol kabali sa apektado kan calamidad sa pigdeclara kan Philippine Atmospheric Geophysical and Astronomical Services Administration (PAGASA) asin kan iba pang mga rehiyon siring kan Cagayan Valley, Calabarzon, Caraga, asin Soccsksargen.

Sa report kan DA Bicol milyones pesos na an danyos mantang ribo-ribo nang mga paraoma an apektado kan saindang pagbuhay asin ginatos na hektaryang kaomahan.

An Climate Change Commission sa nasyon nagsuhesyon sa mga Filipinos na saindang andaman nin amay an super El Niño phenomenon na iwawalat ngunian na huring cuarto kan 2026 asin sa premirong cuarto sa sunod na taon 2027.

Kabale man sa apektado iyo an mga water system mala ngani igua nang report na nagbababa na an saindang suplay asin apektado na an consumedores. An pangapudan kan manihamiento maging kan mga lokal na gobierno magtipid sa pag-usar nin tubig.