KAPIT - TUKO!
- 3 days ago
- 1 min read
Tigsik ko si Senador Caldero
Tolong aldaw nawara sa Senado
Pagbalik questionable na an puwesto
Mayoria nasa ibong nang campo!
Tigsik ko man an treseng mga Hudas
Aw num, nalingat ta kuminurap
Kaya an beat nasa ibong na, pakakkk!
Ngonian si Caldero sige an kakak!
Tigsik ko ining duwang artista
Nagin Senador ta sikat sa pelikula
Sa pagkulimbat magkasabay pa
Wow, pating sa priso magkakosa!
Tigsik ko ining duwang parehong bida
Mag-BFF, haros ikasal na
Don't worry, love story padagos pa
Sa prisohan sa selda magkakosa!
Tigsik ko si Atty. Ilong Ranger
Santayan! Grabe an kubilkubil
Kun maaresto, sus, mapalingpaling
An tungay seguradong matumbling!
Tigsik ko si Senador Caldero
Wagas an paglanat sa puwesto
Dikit pang maagaw kan saibong na lado
Luminala an ligwag sa payo!
Comments