Karpentero dakop sa P1.2 M na shabu

Natalikop kan mga awtoridad an sarong karpentero sa Ciudad nin Naga alagad nagtutulak nin droga sa ginibong operasyon kan Regional Police Drug Enforcement Unit asin Naga City Police Office kan Lunes mga alas 6:00 nin banggui.

Cantidad P1.2 milyon nin shabu an nakumfiscar kan mga awtoridad sa suspechado na pigbistong si Emmanuel Astor y Panga, 39 anyos, may agom na sarong construction worker asin residente kan Brgy. San Nicolas, Ciudad nin Iriga.

Sa inbestigasyon, si Astor dati nang envuelto sa pagtulak nin droga sa Ciudad nin Iriga.

An buy-bust operation ginibo sa Almeda Highway, barangay Triangulo, Ciudad nin Naga.

Kabali sa nabawi sa suspek iyo an tolong transparent plastic na may laog nin pigtutubodan na shabu na nagcacantidad P1,190,000.00 base sa presyo kan PDEA.

Detinido na sa Naga City Jail an suspek asin nag-aatubang na nin caso sa pagbalga kan RA 9165 na mas midbid sa Comprehensive Dangerous Act of 2002.