Kasalan Bayan Ni SND

Bakong makangalas kung sa maabot na aldao, magluwas sa Guinness Book of World Records, an maogmang “Kasalan Ng Bayan Ni SND” ta maski ngani nauso sa Pilipinas an “mass wedding” pero iba an karasalan digdi sa Naga City na an sponsor iyo si Noel de Luna ta an mass wedding marhay na an 10 ta mayong Alkalde o gubernantes nin gobyerno an gustong gumastos arog kan ginigibo ni SND na sky is the limit sa gastusan. Sa orolay olay sa mga kapihan kan mga political analysts, nagluluwas na ang Kasalan Ng Bayan dakulang pabor ki Noel de Luna kung kaya padagos nagkukusog an saiyang pangaran. Sa Guinness makangalas an maka silag sinda nin gintos na lagduan na karasalan. Magigiromdoman na minaabot sa sanggatos ang inot na kasalan ni Ninong SND yaon kan nagtalikod na mga bulan asin kan Deciembre 2, ginibo sa Metropolitan Cathedral an mass wedding sa 193 na mag aragom. Parte kan kultura kan mga bikolano na an saindang Ninong sa saindang kasal iyo an saindang pinag mimirar na ika duwang magurang kung kaya sa linya nin pulitika, an numero unong suportador kan Ninong iyo an mga tinubong sa kasal. Iyo ini an lalong nagpakusog kan pangaran ni SND sa Tercer Destrito ta an kada mag agom, suportado kan saindang mga magurang, mga tugang, mga aki, asin mga pinsan asin iyo ini an inaapod na “multiplication” para ki SND. Sigun sa mga mariribok na political analyst sa SM, dapat mag doble kayod si Yorme ta mantang iwinalat na siya ni Nonoy sa patiribayan nin paghakot nin basura, lalo pa siyang iwawalat sa popularidad ni Ninong SND. Minsan sinabi ni Journalist Juan Escandor kan maging bisita sa kapihan, na sa saiyang pag aadal, nagluluwas na makusogon si SND sa mga Barangay ta ini daa magian mag duhol nin tabang maski ngani mayo pa man in isa puesto, iyan nagpapahiling daa na Madali ining dulokon ta anggot sa kwarta, madaling magbutas asin madaling magtabang sa mga kinapobrehan. Maogma sa mga kaakian na an saindang mga magurang nabasbasan nin banal na matrimonyo na iyo an pig hahagad kan simbahan na kaipuhan an kasal antes kan pag sasaro sa sarong bubong. Maogma sa pagmate nin lalaki asin babae na sinda nag atubang sa altar tanganing ipamati an saindang daing kagadanan na pagka minootan kaya sa saindang pagluha dara nin kaogmahan, saindang tinatanaw si Ninong SND na iyo an saindang ika duwang magurang.