top of page

KASTILANG BAGLA



Tigsik ko an masculadong si Samson

Sarong probinsyanong mangalason

Nasirip si Delilah mayo pong kalson

Dios ko Nonoy, gusto nang mag-agom!


Tigsik ko an Sleeping Beauty

Nanok an turog kada banggi

Nagbabaha an laway sa katre

Nag-aatot-atot, ruluwas an panty!


Tigsik ko an kahon ni Pandora

Binukasan pakalihis nin sarong decada

An laog, anas raot, nakakasuka

Lapang ulod, linta, halas saka buaya!


Tigsik ko an machong si Tarzan

Hadi kan kalbong kabukidan

Mayong trono, ukay-ukay an sarawal

Wow, an soldados, anas kabalang!


Tigsik ko si Intsik Vicente

Lagatak, lagatak pilmi

Wan pol yo, wan pol me

Ngalahab pilmi si Alkalde!


Tigsik ko si Garet Alboro Kadiri

Mayong pinag-iba sa amamanggi

An aso kan nguraspak grabeee

An bad breath panremate, pweee!


Tigsik ko ining Kastila

Nasiraman kan tuba

Sunod-sunod an tungga

Sa Basilica nagdirigwa!


Commentaires


bottom of page