KESO DE BOLA

Tigsik ko ining si Kiray

Sobra sana po an taray

Alagad sobra an talaw

Kiki-kiko ni Inday!

Tigsik ko si Keso

Bako palan bobo

Kundi sobrang tuso

An hiro pasikreto!

Tigsik ko an Keso kan Bicol

Bako lamang pong oragon

Kundi parutonononon

Garong kawayan na bungol!

Tigsik ko an gitilon na Kiray

Sobra sana man an paglikay

Nagrarawitdawit pag ngawngaw

Grabe na an gibong paglaygay!

Tigsik ko pa si Keso

Pigsusuka  kan publico

Sa sobrang ambisyoso

Diskarel na an futuro!

Tigsik ko si Keso de Bola

Rinaotraot na an kamada

Sa pamalomalo na tirada

Lapa na an ngaran sa politica!