KINYENTOS PISOS NA NOCHE BUENA!
- Bicolmail Web Admin
- Dec 20, 2025
- 1 min read
Tigsik ko an ilaw-ilaw kan Pasko
An samuyang puso rinanga mo
Pano nin ogma an samong pagkatawo
Nagrurukyaw sa Paglaom na dara mo!
Tigsik ko kamong ninong saka ninang ko
Dae po magtago pag-abot kan Pasko
Ayos lang dawa mayo pong regalo
Saka na, masingil na lang ako!
Tigsik ko ining si Santa Claus
Dawa na ngani an panahon hard life
Dae nanggad naglulupos an tulak
Napano nin duros pagparangakngak!
Tigsik ko an Tropang Walwal
Solve na pirmi Kun Kapaskohan
An irinoman mayo ning hue aw
Omok-onok, sagana an pulutan!
Tigsik ko an iguang hypertension
Sa Pasko, sa pagdula mag control
Hinay-hinay lang, baka magkulog an luong
Baka dae kamo aboton nin Bagong Taon!
Tigsik ko an budget sa Noche Buena
Ok lang po dawa Kinyentos Pisos sana
Basta basugbasog an mga buaya
Lugod mag obra- suka, awot pa!
Comments