top of page

Kontribusyon kan magradwarna estudiantes prohibido na, sabi

Pigtalaan na kan Department of Education (DepEd) an graduation exercises sa May 29-31, 2024 alagad estrictong ipapasunod an ‘no collection policy’ nganing malikayan an reclamo sa paghagad nin kontribusyon sa mga magradwar na estudiantes.


Ini an piglinaw kan DepEd Camarines Sur sa paagi kan opisyal na parataram, Salvador Pelingon kasunod kan directiva kan saindang opisina sentral na dapat estrictong iimplementar kan mga escuelahan an pagbawal sa pagkolecta nin cash contribution envez magkua nalang sa fondo kan MOEA.


An isyu sa graduation contribution perming nangyayari alagad nganing malikayan an mga reclamo nagpaluwas nin orden an DepEd national office.


Kabale pa sa memorandum dapat gibohon an programa kan graduation exercises sa cover court o dapat igwang atop sa tahaw kan init kan panahon huli kan El Niño phenomenon.


An burokasan nin klase pigtalaan na sa Hulyo 29, 2024 para sa sunod na school year 2024-2025 mantang matatapos sa Mayo 16, 2025 alagad an brigada eskwela sa Hulyo 22, 2024.

Comments


bottom of page