Krismas Kard ni Kardo

Masiramon an feeling ni Basilisa sa Krismas Kard na padara ni Kardo ta magayonon an pagka ukit kan englis na texto maski ngani dai man naiintindihan. Sinda Kardo asin Basilisa, magkaklase kan 1970 sa Barcelonita High School duman sa banwaan nin Cabusao. Sa ibaba na parte kan krismas kard, yaon an surat kamot ni Kardo “Dear Basilisa, una’y ngiti, pangalawa’y pagbati, ang pangatlo iyo ini, Iniibig kita Basilisa, from Kardo alyas Tabangongo, Barrio San Vicente, Sipocot,”

An magayon na krismas kard, binakal ni kardo sa Boning’s Trading digdi sa Naga asin ini iguang magayon na ladawan nin mga krismas tree na lamo-lamo nin snow duman sa America. Nauso kaidto an krismas kard, na may magagayon na mensahe na nakasurat sa English, iguang barato, igua man nin mahal. An krismas kard, pig papadara sa post office asin ini pig hahatod kan kartero sa kada harong. Mayong madaog sa siram asin kaogmahan kun an sarong soltero o daraga, nakaka resibe nin krismas kard lalo na kun an sender iyo an saiyang kras. Aram ko na gulping mga lolo asin lola ngonian na panahon an masabi na, mas maogma kaidto an krismas dahil igua nin krismas kard.

Sa reunion kan mga nagtapos sa Barcelonita High School, iyo ini an pig istorya ni Lola Basilisa, ini an manonongod sa isinaray niyang krismas kard kan agom niyang si Kardon na parasira sa bokatot sa San Miguel Bay. Gurang na asin garatok na an kalyo ni Lolo Kardo pero ini maogma sa piling ni Basilisa asin sampolong makuapo. An krismas kard na binakal sa Boning’s Trading iyo an tanda kan saindang daing katapusan na pagka minootan. Mayong madaog sa kaogmahan na dulot kan krismas kard, sabi ni Lola Basilisa.

Si Tinong dai nanggad nakakalingaw sa siram kan krismas kard na pig padara ni Mila ka pen - pal ni Tinong kan 1974 sarog mestiza na taga Tiaong Baliuag Bulacan. Sinda Tinong asin Mila nagka bistohan sa paagi nin Pen Pal column kan Liwayway Magazine. Nagka minootan sinda Tinong asin Mila alagad dara kan distancia kan Bicol asin Bulacan, dai nanggad nagka hilingan an duwa sagkod na mayo nang bareta si Tinong kung yaon sain na si Mila. An krismas kard na may surat ni Mila, sarong bulawan na isinaray ni Tino, sana dai pa huri an gabos, liwat magka hilingan pa sinda Tinong asin Mila.

Bueno, mayo na akong mabakal na krismas kard sa centro asin kung igua man, mapitiw magpasiring sa post office para magpadara ta baka mayo nang masusugo na kartero ta kadaklan sa saindang pig dedeliver, mga notisya kan korte asin tseke kan GSIS asin SSS para sa mga pensionado. Sa paagi kan sikat na peryodikong Bicol Mail, sakuyang papa abotan nin Christmas Greetings an sakuyang mga para basa asin mga amigo. Sa mga minasunod na pangaran, ako nagmamawot sainda nin Maogma, Masagana, asin Tiripon nin familia sa Kapaskuhan asin sa Bagong Taon: Mr. & Mr. John and Olive Tan Clemente (La Herencia Comeda – Mabolo), Mr. & Mrs. Eddie/Vacion Ensuya – Siembre Bombon, Ms. Helen Maleniza Abesa – Unit Manager Eternal Plans, Inc., Mr. Jun San Juan – Milestone Guaranty and Assurance Corp., Greg/Amy Montania (my former UNC ROTC Corps Commander), Brod Pete Leonor- Soleer St., Dayangdang, Raffy Zuniega – San Miguel, Magarao, Mga “actor” sa Kantong Putikon, Joe Dialogo, Ret. Judge Joe Dy, Joe Grageda, Alex Parfan, Engr, Louie Zamudio, SM Ron Enon, Manny Gallardo (taga hanga ni John Denver), Gabby Casimero (dating scout agent nin mga Artista), Kgd. Ervin Borja – Tinambac, Ramon Olaño – Sumaro Bikolnon, Historian Danny Gerona, Ms. Aida San Miguel (former PRISAA Table Tennis Champion), Zusing Villarez alyas George (paratienda nin Ice Cream sa Zamora), George Olivera (Singing Trio Olivera Brothers), Raul Villamor (Mgr. Kakanan sa Mc Mariano), Raul Repane – Isarog Avenue, Mr. Magno Conag – President, City College of Naga, Santa Cruz Elementary School Batch 69 (Toyong Salvador, Cynthia Largado Azuela, Henrietta Arroyo Blacer, Eugene Armea, Manolo Ilao – Vancouver, Homer Abogao – Toronto, Ella Lane Cabanos Ardiente,) CSNHS BATCH 74 c/o Arlene Bongat Barias), Oscar/Jennifer Matubis Brendia, Raquel Oranga, Cielo Cadag Viray – Naga Cathedral, Ma Vic Papin, Jun Bichara (with Mr. Donuts Breakfast group), siempre Maogmang Pasko ki Mr. Nilo Aureaus – Publisher, Bicol Mail.