Lagbas sa Apdo

Tigsik ko po ining Ligo

Malas na sira sa mundo

Pinugutan na nin payo

Preso sa latang selyado!

Tigsik ko ining si Kamlon

Sa hampangan pirming rutoy

Bako tabi sa pag-inom

Kundi sa panganang somsom!

Tigsik an acolito

Nag-ikit palan nin Mompo

Itinago sa may simburyo

Ibinayle an rebulto!

Tigsik ko an layas na tanglad

Kan ini na buminurak

Piglahid sa ngirit na lugad

Imbis na marahay, nagrakrak!

Tigsik ko an tilapiang mataba

Pigbariwas sa Gimaga

Sa kanto ginumaguma

Si Manay Tita nagparauka’!

Tigsik ko po ining Bicolano

Kun mamoot lagbas sa apdo

Naglalaad, nagkakalayo

Malanit garong siling rimorimo!