Last will vs. Karapatan kan mga Aki

Atty., maray na aldaw po, may pinahiling na last will an samong stepmother. Nakasurat duman na gabos na ari-arian ni Papa saiya mapapaduman asin mayo kaming mga aki nin makukua. Valid daw po iyan? Salamat po Atty.

-----

Dai man boot sabihon na may last will valid na an sitwasyon na ini, lalo na kung mga legitimate kamong mga aki na nawalat. Sa irarom kan batas kan Pilipinas, an mga aki pigkokonsiderar na compulsory heirs, boot sabihon igwa nin porsyon kan mana na nakatagama para sainda na inaapod na legitime. Dai ini pwedeng arbitraryong haleon sa paagi nin sarong last will and testament.

Dawa kun sinasabi sa testamento na an gabos na ari-arian mapapaduman sa agom asin an mga aki mayo nin makukua, dai awtomatikong nawawara an saindang karapatan sa legal na parte kan mana. An sarong aki pwede sanang mawaran nin mana kun igwa nin legal na basehan para sa disinheritance na malinaw na itinotogot kan batas asin tamang nakasurat sa testamento. Dai sapat an simpleng pagsabi na “mayo sindang makukua.”

Importante man na tandaan na bakong gabos na dokumento na may titulong “Last Will” ay awtomatikong valid. Kaipuhan pa man giraray na helingon kun ini tama an pagkagibo base sa mga requisite kan batas.

An simbag na ini para sana sa pankagabsan na impormasyon asin dai dapat ituring na legal advice para sa partikular na kaso.

Kung may mga kahaputan, mag email sa ihapotkiattorney@gmail.com