Legislators’ Medical Caravan 2023 naglilibot sa Barangay kan Naga

Ginatos nang residentes cada barangay kan Ciudad nin Naga an benipisaryo kan Legislators’ Medical Caravan 2023 na pigponan sa mga barangay kan Sabang, Carolina asin San Felipe mantang ika-apat nang aldaw kan Lunes, Agosto 14 na pinapadrehon ninda Senador Risa Hontiveros, Camarines Sur 3rd district Congressman Gabriel H. Bordado, dating Bise Presidente Leni Robredo asin ka-partner an DepEd sa paagi kan Brigada Eskwela.

Si dating Alcalde Abang Mabolo, Chief of Staff ni Congressman Bordado nagpahayag sa Bicol Mail an medical mission kabali sa mga programa sa salod kan congresista asin magpapadagos ini sagcod sa iba pang mga barangay mantang bako lang sa lado nin mga proyekto sa infrastraktura sa mga barangay na pigponan kan primero niyang termino.

Mantang si Bordado nag-aatendir sa mga sesyon sa congreso an namamahala sa Caravan sinda Mabolo, District Office Chief of Staff Glenda Gabos asin mga pag-iriba.

Dinomog nin mga residentes kan Barangay Carolina, Ciudad nin Naga an Day 2 kan Legislators’ Medical Mission mantang ka-partner an DepEd Naga sa paagi kan Brigada Eskwela.

Sa inisyal na naka-aprubetsar sa Day 1, Agosto 11 kan medical mission igwa nang ginatos na residentes an benipisaryo asin madugang pa an numero sa pagpadagos kan caravan. Sa enot na tolong mga barangay an natabang sa Barangay Sabang (Naga City School of Arts and Trade, sa Lab/Chole – 93; Lab cbc – 16; X-ray 77; Utz – ECG – 122 asin sa consultation – 212 na igwang total na 580.

Sa Day 2 Agosto 12 Sa Barangay Carolina na ginibo sa Elementary School total registration: 350. Sa Lab fbs/lipid – 109; CBC – 54; Xray – 91; Utz – 52; ECG – 150 asin consultation – 726.

Sa Day 3 kan Agosto 13 sa Brgy. San Felipe. Registration: 272; Fbs/lipid 138; CBC – 23; Xray – 98; Utz – 56; ECG – 141; consultation – 726.