LENI NA!

Tigsik ko ining ciudad nin Naga

Puso kan rehiyon Bicolandia

Harong ni Ina, Mahal ming Patrona

Samuyang ranga, Viva! Viva! Viva!

Tigsik ko an orgulyo ming ginikanan

Ciudad nin Naga, Maogmang Lugar

Saen pa man kami mapa duman

Rimpos kan puso, samong namomotan!

Tigsik ko an calesa sa ciudad nin Naga

Labing ogma kan ako aki pa

Mahayahay sa pagmate, abaa na

Ngonian pighihidaw ko po, haen na?

Tigsik ko an New China Restaurant

Mga kakanon managom, masisiram

Kun ako minauli sa Kabikolan

Maogmang recuerdo binabalikan!

Ciudad kan Naga tigsik ko man

Magayon na lugar, nangangataman

May kauswagan, may katuninongan

Naga na! Kita mag-iribahan!

Tigsik ko pa an ciudad nin Naga

An paglaom padagosdagos sana

Tamang sistema nagdadanay pa

Buhay an espiritu, Leni na!