LET'S GO, PARTIDO!-1
Oct 9
1 min read
An banwaan kan Tigaon tigsik ko
Enot sa distrito kan Partido
Dagos na po, madya na po kamo
Bukas an puso mi para saindo!
Tigsik ko ining lugar kan Sagñay
Sakuyang binabalikbalikan
Sa sakuyang puso asin daghan
Mayong iba, ika man giraray!
Tigsik ko an banwaan nin San Jose
Sa Partido iyo an Rice Granary
Mayaman pa sa sirang malasugui
Ano nang nagom, ano na ini?!!!
Tigsik ko pa an banwang Lagonoy
Sarong lugar, sobra an dahom
Tsokolateng cacao manatukon
Pluto tabla, binanban masiramon!
An Isla kan Aguirangan tigsik ko man
Yaon sa Presentacion o Parubcan
Ano daw ta kun ini sakong inaagihan?
Puso ko tagob nin kapung-awan!
Comments