LET'S GO, PARTIDO! - 2
Oct 16
1 min read
Tigsik ko an baybayon kan Sisiran
Sa Garchitorena ini manunumpongan
An baybay duminukot sa sakong daghan
Recuerdong dae nanggad malilingwan!
Tigsik ko an banwaan kan Siruma
An puso ko saimong rinanga
Amuris, mi amor, ogma an dara
An sakuyang puso saimong nagayuma!
Tigsik ko pa man ining Tinambac
Bukid, salog, dagat asin patag
Huli sa kahigosan asin unidad
Dayaday an banwa sa paggantad!
An banwa nin Caramoan tigsik ko man
Isla, dagat, bukid, kapatagan
Gabos biyaya kan Kagurangnan
Paraiso sa ibabaw kan kinaban!
Tigsik ko an banwang pig-oorgulyo
Sa Partido Centro kan Progreso
Cultura, edukasyon, negosyo
Goapo! Goapo! Madya na kamo!
Comments