LGU Goa, CSur orgulyo na saro nang drug cleared an saindang banwaan

Orgulyo kan lokal na gobierno kan Goa, Camarines Sur sa pamamayo ni Alcalde Marcel Pan sa tabang kan envueltong mga ahencia na saro nang ‘‘drug cleared’’ an saindang municipalidad matapos kan ginibong deliberasyon na ginibo kan Agosto 30, 2023 kan Regional Oversight Committee on Barangay and municipalities for drug clearing.

Nangyari ini huli sa kooperasyon kan PDEA, PNP, DILG, DOH, LGU, Barangay asin iba pang ahencia kan gobierno sa paglaban contra sa ilegal na droga.

An pinakahuring deliberasyon ginibo sa SP Hall, kan LGU Goa na tinapos kan Agosto 30.

Ika-pito nang mga municipalidad na declarado nang ‘‘drug cleared, drug free’’ dai palang nahahaloy asin sa ngunian igwa nang total na 20 municipalides sa rehiyon Bicol alagad an mga awtoridad magpapadagos kan saindang pagmonitor kun igwa pang mga ilegal na actividad.

An mga municipalidad na ini kabale na sa dai palang na hahaloy pig-declarang drug cleared iyo an Milaor asin Balatan digdi sa Camarines Sur; Bagamanoc, Pandam, Panganiban saka Viga, gabos sa provincia nin Catanduanes.

An pamayo kan ROCBDC si Director Edgar Jubay kan PDEA Bicol nagpasalamat sa envueltong ahencia na naging katuwang sa kampanya laban sa droga asin naglalaoman na igwa pang mga banwaan asin barangay an masunod.

An mga aplicante anas nagkumpleto sa mga rekisitos base sa DDB Reg. No. Serye kan 2023.

Mientras tanto, an komite inaprubaran man na kabli sa drug cleared iyo an mga barangay kan Burabod asin Matnog parejo kan provincia nin Sorsogon.