LGU Iriga may hazard fee sa BHWs, IMT

Mayong sinabi an Departamendo de Salud (DOH) sa lokal na gobierno kan Ciudad nin Iriga sa tinataong bayad sa hazard fee sa mga Barangay Health Workers (BHWs) asin sa Incident Management Team (IMT) na cantidad P9,000 alagad depende sa saindang performance sa trabajo kabale na digdi an saindang contact tracing sa posibleng naulakitan kan coronavirus disease.

An opisina nasyonal kan DOH nagbabayad sana nin P2,000 hasta P3,000 na hazard fee sa mga health workers kumpara sa LGU Iriga na haros triple an bayad.


Sinabi ni Alcalde Madel Alfelor na naheling niya an kapagalan kan BHWs asin IMT sa tahaw kan pandemya envez na atendiran an saindang familia alagad serbisyo sa barangay asin kampanya laban sa virus.


Huli kaini, dapat lang sinda matawang nin ayuda komo insintibo ngunian na pandemya, sabi pa kan jefe ejecutivo.


Dinagdag pa an BHWs dikit sana man na candidad an saindang narerecibing allowance hale sa fondo kan saindang barangay.


Afuera pa kaini, an reclamo kan mga health workers inabot nin siyam-siyam alagad nakabayad sana kan saindang obligasyon kun dai pa nagkaigwa nin controvercia. (dpa)