top of page

Libreng banhi itatao kan DAsa mga apektado kan paltik

Nagseguro an Department of Agriculture (DA) Bicol na iguang nakaandam na libreng banhi maging vegetable seeds sa mga paraoma na padagos na apektado kan paltik o El Niño Phenomenon.


Cantidad P22-M na hybrid seeds, banhi para sa mga omahan maisan asin vegetable seeds mantang igua man itataong mga kagamitan para sa gardening.


Ini an pahayag kan DA Bicol sa paagi ni Lovella Guarin, regional spokesperson kan ahencia sa tahaw kan agrangay kan ginatos na paraoma na dakula si danyos huli kan nagpapadagos na El Niño.


Saiya pang dinagdag na pig-endorsar na kan DA sa Department of Social Welfare and Development asin Department of Labor and Employment si mga pangaran kan apektadong paraoma nin paltik nganing makahace nin plano asin programa na matabangan an mga paraoma.


An mga paraoma na kabali sa makakarecibe nin banhi si rehistrado sa Registry System for Basic Sector in Agriculture (RSBSA).


Maabot sa 983 na mga paraoma apektado mantang nasa 8,222 hektaryang rice area asin iguang production loss na 13,506 metrico tonelada asin igwang total na danyos nag-abot sa P353-M.


An mga apektadong provincia iyo an Albay, Camarines Sur, Masbate asin Sorsogon.

Commenti


bottom of page