Lima na sanang brgy sa Bicol an may caso kan ASF
Lima na sanang banwaan sa Bicol an igua pa nin caso kan African Swine Fever (ASF) alagad dai man nakaka-alarma mantang saro sanang barangay sa Buhi, Camarines Sur asin apat sa Catanduanes na kinababalihan kan Baras, Bato, San Andres, asin Virac.
Ini an pinakahuring datus kan Department of Agriculture alagad igua pang limang red zone na sobra na sa cuarenta diyas poon na magbongkaras an caso, sabi sa mga pahayag ni Lovella Guarin, regional spokesperson kan DA Bicol.
Laen pa kaini, iguang veinte cinco mga banwaan an sagcod sa ngunian na sa red zone dawa nakaagi na an noventa diyas poon na magbutwa an caso huli ta sagcod sa ngunian dai pa nakakasumiter kan mga ‘‘regulatory requirement’’ an LGU sa Bureau of Animal Industry para sa upgrading sa pink zone o mayo nang caso kan ASF.
Piglinaw pa kan ahencia na an Red zone dai pa madedeclarang ASF free alagad si nag-cuarenta diyas asin noventa diyas pakatapos kan huring detection sa caso, mayo nang active ASF alagad an lokal na gobierno dai pa nakakasumiter kan mga rekisitos nganing ma-up grade sa Pink zone o dai nang caso sa virus sa hayop.
Kan nakaaging holiday season dai man nagkaigua nin problema sa suplay kan karneng orig sa mga mercado alagad naglangkaw si presyo.
Comentários