Louie Ortega Laban Pa Nanggad

“Hindi ka Nag iisa Madam”, iyan an mala titulo nin pelikula na idinadaklag ki Attorney. Sa tiripon nin mga political analysts sa Kantong Putikon, tampok an persona ni Mr. Luis Agregado Ortega mas bisto sa apod na Tyo Louie. Bako man ba’go sa pagdangog nin mga taga media na si Tyo Louie magpahayag na yaon pa daa an saiyang interes na magdalagan sa pagka Alkalde sa Ciudad nin Naga, kaya igua na nin kalaban si Leni Robredo. Inako ni Louie Ortega na parate na minakontra an saiyang mga aqui sa plano niyang mag kandidato ta siya 87 anyos na asin kaipuhan nang magpahingalo asin magpa ayahay na sana kaibahan an mga yaon sa Kantong Putikon. Alagad saro sa mga dahilan kun kaya interesado siya na mag file nin COC ngonian na Octobre, iyo an kawaran aksyon kan City Hall sa dakulang problema sa trafiko. Maski ngani 87 anyos na si Tyo Louie, pig siguro niya sa mga taga KP na malinaw pa an saiyang isip, asin makusog pa an saiyang lawas para mag serbe sa mga taga Naga asin matabangan sinda sa pagha’was sa makuring pagtios. An pagigi niyang propiong Naguenio iyo an saro pa sa saiyang pig titindogan tanganing magkandidato sa 2025 ta si Louie Ortega namundag sa Penafrancia asin nahiling niya kun papa’no nagtalubo an Munisipyo kan Naga sagkod naging Ciudad. An saiyang ama tubong Iriga iguang dugong tsino asin an saiyang ina gikan sa familya Agregado kan Nabua, alagad digdi sinda nagka aguman sa Naga sagkod na iminundag an mga aki. An ama ni Tyo Louie iyo an pinaka inot na dispatcher sa Alatco sa Naga asin an saiyang Ina sarong maestra sa Colegio na kaidtong panahon, an maestra sa Colegio dapat sarong daraga, asin oras na ini mag agom na, dapat maghale sa pagka maestra. Si Louie Ortega nag elementarya sa Naga Central, nagtapos nin high school sa Camhi asin nag college sa UNC. Sa paghingua na makatabang sa saiyang mga magurang, nagi siyang Jeepney Driver sagkod na siya an nagdiskubre kan inaapod na “ Boundary Hulog” na pig adaptar ni naging FL Imelda Marcos. Kan siya aki pa, saro siya sa mahigos na paratienda nin pandesal, na sa amay na pagka aga, nag kukuribaw sa tinampo baktot an bakol nin tinapay mala ta an saro sa magayon niyang parokyano ta pirmeng pig papakyaw an pan desal para ipanao sa kataraid iyo si Aristeo Sales, ama kan peryodista na si Sonny Sales na kaidtong panahon nag iistar sa kalye Mabini na iyo na ngonian an Hinawasan Street. Saro siya sa nagkakaperang mga kaakian na iyo an naka diskubre kan sarong madiklom na “tunnel” nagkokonektar sa Colegio asin sa Palacio, sa laog kan Tunnel igua nin mga bungo na boot sabihon pinaglubungan kan mga gadan kanpanahon nin kastila. Sa kada pagbutas nin mga tataramon gikan sa ngimot ni Tyo Louie, nababanaagan an saiyang daing katampad na pagkamoot sa Ciudad nin Naga asin iyan an rason kaya liwat siyang madalagan sa pagka Alkalde tanganing makagibo nin programa na mapagian sa pagbuhay kan mga nagtitios na Naguenio asin ultimo, matawan nin finalmenteng solusyon an problema sa trafiko. Maski ngani si Loiue Ortega sarong independiente, pinag iisipan kan saiyang mga amigo sa Kantong Putikon na muknaon niya an sarong espesyal na Partido politidal na LSL, “Laban Sanang Laban”
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPS Machine EPS Block…
EPS Machine EPS Block…
EPS Machine EPS Block…
AEON MINING AEON MINING
AEON MINING AEON MINING
KSD Miner KSD Miner
KSD Miner KSD Miner
BCH Miner BCH Miner
BCH Miner BCH Miner
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPS Machine EPS Block…
EPS Machine EPS Block…
EPS Machine EPS Block…
AEON MINING AEON MINING
AEON MINING AEON MINING
KSD Miner KSD Miner
KSD Miner KSD Miner
BCH Miner BCH Miner
BCH Miner BCH Miner
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPTU Machine ETPU Moulding…
EPS Machine EPS Block…
EPS Machine EPS Block…
EPS Machine EPS Block…
AEON MINING AEON MINING
AEON MINING AEON MINING
KSD Miner KSD Miner
KSD Miner KSD Miner
BCH Miner BCH Miner
BCH Miner BCH Miner