LRay pigreclamo trespassing, threat

Nag-iinit na an politica sa ika-apat na distrito kan Camarines Sur kasunod kan reclamo ni Brgy Kapitan Russel Clemente kan Vito, Siruma, Camarines Sur, dating kaalyado kan mga Villafuerte contra ki Camarines Sur 2nd district Congressman LRay Villafuerte na puersahan na naglaog sa saindang harong asin tinakot, itinulak paluwas sa gate an saiyang esposa asin duwang mga menor de edad mantang an saiyang tugang na lalaki pigkuwelyohan kaibanan an mga bodyguard.


An insidente nangyari matapos kan political rally kan mga candidato ni Villafuerte sa brgy. Vito kan Mayo 1, 2022, mala ngani kan magtaram sa entablado nagtaram pa an congresista tinakot pa na sinabi ‘‘PALAPITIN MO YAN SI KAPITAN TIRAHIN KO YAN’’ sabi kan kapitan sa mga entrevista sa radyo.


Saiyang pinahimotikan an pigsasabi kan congresista na may utang siyang P600,000.


An reclamo kan kapitan pigsombong sa Siruma Municipal Police Station matapos kan insidente. Base sa police blotter entry number 2022-04-99, May 1, 2022/3:45PM, Incident/event: Trespassing/Threat.


‘‘Russel Clemente. 50 yrs old, married, Punong Barangay of Vito, Siruma, CamSur, personally appeared to this office and requested to put into record on the alleged that OOA 11:45AM of May 1, 2022, Congressman LRay Villafuerte and his bodyguards entered his house without seeking permission looking for him and his family forcible expelled from the house and when Raul Clemente identify himself as his brother, Congressman Villafuerte, clothesline him and utter world to wit ‘ISAMA NA NATIN YAN’ and his bodyguards replied ‘OO’ and afterwards Congressman Villafuerte uttered word again to wit ‘PAG-LUMABAS SI KAPITAN, TIRAHIN NA NATIN’ and the bodyguard again replied ‘OO’. Further, due to great fear he never get out of the bedroom only until he feel that Congressman Villafuerte and his bodyguard were no longer on his premises. An sertipikasyon kan police blotter pirmado ni PSSg Francis V. Alberto, desk officer.


An Kapitan kan Vito, Siruma dating kaalyado kan mga Villafuerte nin labi sa veinte taon alagad ngunian na eleksyon nagbalyo sa Anduyog Party ni CamSur 3rd district Congressman Arnie Fuentebella mantang si dating alcalde Antonio Chavez iyo an suportadong candidatong congresista ni Villafuerte. (dpa)