LTFRB nagpoon nang mag-ako aplikante sa special permit

An opisina rehiyonal kan Land Transportation Franchising and Regulatory Board (LTBRB) sa pamamayo ni Director Joel Delfeo nagrerecibe na nin mga aplikante sa special permit nganing tugotan an bus unit na maka-viaje luwas sa saindang ruta ngunian na panahon nin semana santa.

Nag-iisyu nin special permit an ahencia huli ta nagkukulang an mga passenger bus sa mga terminal kan Bicol cada panahon nin semana santa mientras ribo-ribong pasajeros an papuruli hali sa Metro Manila asin iba pang provincia nganing dagos nang magbakasyon.

Haros fully booked na an mga buses sa Ciudad nin Naga asin sa iba pang provincia kan Bicol mientras amay nang magrerecibe nin mga aplikante an LTFRB para sa hinahagad na special permit.

Sa Bicol Central Station kan Ciudad nin Naga piglalaoman na maruso na an mga pasajeros ngunian na semana. Kun dati nag-aabot sana 95 aroaldaw an nagba-viaje pasiring sa Naga alagad aaboton na nin 150 hasta 200 aroaldaw.

Sa Camp Semion Ola, si Brig General Andre Dizon, jefe kan Bicol PNP nagpaluwas nin directiva sa mga provincial director na magdestino nin kapupulisan sa mga terminal nganing maseguro an paz y orden kan mga nagpupuruling pasajeros.

Ini parte pa kan saindang programang Oplan Ligtas Summer (Summer Vacation) sa pag-arabotan kan ribo-ribong bakasyonista.

Kabali sa dapat may police visibility an mga centro de negosyo maging sa trafico sa national highways.