LTO nagpatanid sa mga E-bikes

An LTO district office sa Ciudad nin Naga naghahalat nalang kan ipapaluwas na guidelines kan saindang opisina sentral sa estrictong pagpangalad kan E-bikes sa mga national road.

Si Grace Rojas, jefe kan LTO district office nagpahayag sa media na sainda liwat pinapatanidan an mga kagsadiri kan E-bikes na afuera kan saindang pagpangalad sa national road dapat iparehistro na sa lokal na gobierno.

Bako sanang ley nasyonal sa Ciudad nin Naga igwa nang ordinansa tanganing obligaron na irehistro dawa nagdalagan sa local road.

An ciudad igwang mga bike lane sa centro alagad dapat magrehistro man giraray, sabi pa kan LTO.

An Department of Public Works and Highways (DPWH) igwa nang reglamento na sa saindang ginigibong road widening project dapat igwang bike lane.

Mientras tanto, an manlaen-laen na LTO district office sa Bicol nagpapadagos kan saindang regular enforcement operations nganing estrictong iimplementat an Acta Republica 4136 asin iba pang mga leyes trafico sa saindang area of responsibility.

Sinabi ni LTO Regional Director Francisco Ranches an operasyon kan saindang ahencia saro sa nakakatabang nganing magbaba an caso kan mga road crash incident sa rehiyon.

Sunod-sunod na an mga nasisikop na nagmamanijo na dai lisensiyado; dai rehistradong vehiculo, pagpalyar na magdara kan OR; sobrang pasajeros sa PUVs; no capacity markings; mayong plaka; reckless driving; asin iba pa.

An ibang Municipal Police Stations sa Camarines Sur igwa man suhay na operasyon katuwang an LTO, Highway Patrol Group, asin Public Safety Office kan LGU.