top of page

LTO nagpatanid sa publico vs online scams

An Land Transportation Office (LTO) Bicol sa pamamayo ni regional director Francisco Ranches Jr. nagpaluwas nin patanid sa publico na may transaksyon sa saindang ahencia na maging marikmat contra sa online scams na nag-oopresir nin tabang sa pagproceso nin student permits, licencia, maging sa pag-renew kan rehistro sa saindang lunadan.


Sa press statement kan LTO Bicol saro sa operasyon iyo an paggamit nin fekeng Facebook page, account o nagpapabistong empleado kan district office.


An mga LTO enforcers padagos kan saindang paglibot-libot bako lang kampanya para sa road safety envez maging pag-inspeksyon kan licencia sa pagmanijo. An siisay man na makukumfiscar kan fekeng licencia ciertong masapo nin penalidad.


Tanganing maseguro na dai maloko kan scammers dapat mag follow-up sa lehitomong accounts asin Facebook page kan LTO Bicol (na makukua sa Land Transportation Office – Bicol o kaya FB account asin facebook kan ahencia digdi sa rehiyon).


An pagkua nin student permit, licencia asin pag-renew nin rehistro kan vehiculo dapat personal na mag-transaksyon sa saindang mga opisina, sabi pa kan LTO Bicol.


Mientras tanto an LTO Bicol padagos kan saindang regular na traffic enforcement operations sa irarum kan Acta Republica 4137 asin iba pang leyes sa trafico. Objetivo kaini para sa road safety kan motorista asin publico.

Comments


bottom of page