LUHAAN
Jul 10
1 min read
Tigsik ko an idol kan mga Iglesia
An style pamalumalo sana
Paborito palan dinuguan, may puto pa
Hanep! Dae lamang nangangagda!
Tigsik ko an rally duman sa Edsa
An kurahaw maboblayon baga
An talent fee bako lamang makagana
Sus! An lafang lugaw malabbaw pa!
Ining si Lustay tigsik ko man daw
Sa Pinas, iyong pambansang istambay
May suweldo pero mayong nahahaman
Inutil! An gibo anas pasaway!
Tigsik ko an rally na comedià
Kan an mga Tsinador nag-entra
Booo! Nagkalat sa mga platika
Aw ta nakararaot an kamada!
Tigsik ko man po ining si Papay
Sa kalye na daa siya mientras may buhay
Kan naggurukgutok an tulak, nahapay
Nag-uli baga, biyong nagraraway!
Tigsik ko an mga rallyista
An pigpapakilaban pornada
Kan mag-uruli na, gabos nganga
Maaaresto si Markubeta!
Comments