LUIS MO!
- Bicolmail Web Admin
- Apr 26
- 1 min read
Tigsik ko kamong mga candidates
Mientras na malala an heat index
Hinayhinay lang, dae sobrang kidit
Remate kamo kun mapatod an litid!
Tigsik ko an ibang candidato ngonian
Sa kampanya nagluluwas an kausmakan
Tibaad iguang pinagmanahan?
An saindang bastos na gurang na Tatay!
Tigsik ko an mga candidato sa presente
Duwa man sana an saindang klase
Kun bakong makasuyang comediante
Dramatista, makaurag an arte!
Tigsik ko ining Tatay dynasty
An alipores an utak grabeee
Sagad sa kalag an saindang loyalty
Kalbo, Gago, Ipe saka si Boy Sili!
Tigsik ko po ining politica
An sabi ninda, addition daa
Kaya nagsanib pwersa an duwa
ITIM an kulay, Sayad, Babalina!
An pirilian tigsik ko pa man
Santayan, grabeee an gurulangan
Ayuda, sabi kan usmak na Congressman
Luis mo, panis an saimong style!
Comments