SHARON

Tigsik ko po an buhay sa kinaban

Kun an diskarte saimong dagdagan

An buhay mo pirming mahayahay

Makidula ka sana aroaldaw!

Tigsik ko man sa mga fiestahan

Talagang maogma an banwaan

Ayos an tsibug saka walwalan

Pag-uli pa igwang himuloan!

Tigsik ko Bondying, si Abundio

Sa mga fiesta iguang calendario

Sa pakikidula numero uno

An dapog dae na nag-aaso!

Tigsik ko an fiesta duman sa coastal

Nene, Nonoy, kamo tabi maglikay

Baka an pandawan saindong upakan

Kamo mapugahak, ngingiritan!

Tigsik ko po ining mga fiesta

Listo talaga ining mga bisita

Aw bako po sa Banal na Misa

Kundi sa durulaan sa lamesa!

Tigsik ko an fiesta sa mga lugar ta

Pintakasi kan Patron o Patrona

Bako man tabi ni Sharon Cuneta

Nya! Nakidula na, may take-out pa!